
प्रदिप ज्ञवाली
कार्तिक १२ बिहीबार
सैनामैना । रुपन्देहीको सैनामैना नगरपालिकाको नगर प्रमुख पदका लागि कमल ढकालले आफ्नो उम्मेदवारी प्रस्तुत गर्दै समृद्ध, दिगो र प्रविधिमैत्री सैनामैना निर्माण गर्ने प्रतिबद्धता सार्वजनिक गरेका छन्।
ढकालले सार्वजनिक गरेको चुनावी अवधारणामा गुणस्तरीय शिक्षा तथा स्वास्थ्य सेवा, आर्थिक वृद्धि र पूर्वाधार विकासलाई प्रमुख प्राथमिकताका रूपमा अघि सारेका छन्। उनले नगरको समग्र विकासका लागि स्पष्ट दृष्टिकोण, योजनाबद्ध कार्यान्वयन र नागरिकप्रति उत्तरदायी नेतृत्व आवश्यक रहेको सन्देश दिएका छन्।

उनले अघि सारेको दृष्टिकोणमा समृद्ध, दिगो तथा प्रविधिमैत्री सैनामैना निर्माण गर्ने लक्ष्य समेटिएको छ। त्यसैगरी, शिक्षा र स्वास्थ्य सेवाको गुणस्तर सुधार, आर्थिक गतिविधिको विस्तार तथा आवश्यक पूर्वाधारको विकासलाई नगर विकासका मुख्य आधारका रूपमा प्रस्तुत गरिएको छ।
ढकालले सार्वजनिक गरेको अवधारणामा पारदर्शिता, इमानदारी, सामुदायिक सहकार्य र जवाफदेहितालाई मूल्यमान्यताका रूपमा उल्लेख गरेका छन्। नगरको विकासमा नागरिकको सहभागिता बढाउँदै स्थानीय आवश्यकता र जनअपेक्षाअनुसार काम गर्ने प्रतिबद्धता उनको प्रस्तावित योजनाको मुख्य पक्ष देखिन्छ।
‘राम्रो सैनामैनाका लागि कमल ढकाललाई मत दिनुहोस्’ भन्ने नारासहित सार्वजनिक गरिएको प्रचार सामग्रीमा उनले आफ्नो दृष्टिकोण, लक्ष्य र मूल्यमान्यतालाई मतदातामाझ प्रस्तुत गरेका छन्।
ढकालको उम्मेदवारी घोषणाले सैनामैनाको राष्ट्रिय स्वतन्त्र पार्टीको सर्कल र आम जनमानसमा नयाँ तरङ्ग ल्याएको छ।

